كلمات ترنيمة كل ما أحس إن أنا وحداني
1- كل ما أحس إن أنا وحداني وألقى همومي بعيد وخداني
كل ما ضعفي يقرب مني وألقى إيديك م الخوف شداني
بألجأ إليك وأتحامي فيك وبحب أب تمد إيد وتاخدني ليك
ألقى الأمان وأنسى اللي كان وأنهض وأقوم ناسي الهموم إيدي في إيديك
القرار - يا أوفى قلب يحبني ويخاف علي
إيديك يا رب أحن تمسك إيدي
في وسط عتمة الحياة إنت اللي لي
2- لو مرة تهت وسبت مكاني وفشلت إني أرجع لك تاني
صوتك يردني ويفكرني إن إنت حضنك كان عنواني
أنهض وأفوق وأرجع بشوق
وبعد خزيي وعاري ترفع راسي فوق
أفضل معاك ستري في حماك وبعد ظلمة قلبي يدخل لي الشروق
3- لما الأنين يبتدي يملاني وهموم وخوف مالي كياني
إيديك بتنزع كسرتي مني وتداوي كل جروح في ثواني
ما إنت الطبيب وإنت الحبيب لو كله سابني وكله باع ألقاك قريب
قلبك كبير خيرك كتير وأسرني بيك يا إلهي بالحب العجيب
موقع كنيسة مارجرجس |ST.GERGES موقع مسيحى ،ترانيم وترانيم فيديو وموضوعات مسيحية ، .موقع ترانيم ,موضوعات مسيحية ترانيم فيديو
0 التعليقات