كلمات ترنيمة خبرنى يا يوحنا
خبرني يا يوحنا عن صدره الحنان
وإزاي كنت بتسند راسك وفي أي مكان
جاوبني يالا وقوللي رد يوحنا وقال :
دا صدره واسع واسع يساع كل الناس
وقلبه نابض نابض كل محبة واحساس
مش لاقي زي صدره أتكي عليه في أمان
وإنت يا بطرس خبرني عن صخرة الإيمان
وإزاي الرب أقامك من أعمدة البنيان
جاوبني يالا وقوللي رد بطرس وقال :
دا أقامني في كنيسته رغم كل الإنكار
وضمني لعروسته في محفل الأبرار
مش لاقي زيه صخرة تستندي في كل زمان
ويا توما تعال وقوللي الشك كيف كان
وإزاي خلاك تؤمن لما رأيت بالعيان
جاوبني يالا وقوللي رد توما وقال :
دا جرحه واضح واضح شفته مكان المسمار
وفي جنبه أسر الطعنه من حربة الغدار
مش لاقي زي جروحه تدخلني للأعماق
وإنتوا يا كل الأحباء قولولي كمان وكمان
عن ينبوع المحبة وعن فيض الحنان
رد التلاميذ وقالوا ما لم يخطر على بال :
دي محبة قوية قوية أقوى حتى م الموت
ودي عيشة هنية هنية عربون حياة الملكوت
مش ممكن ننسى أبداً صورته جوه البستان
0 التعليقات