موقع كنيسة مارجرجس بالعزية

كلمات ترنيمة عصفورك غرد في الغابة

عصفورك غرد في الغابة وفي الليل صحى العود وربابة
فايض قلبي نغم وكتابة .. (لك يارب)3 لأنك بابا
1- تغنيني اسبح لك واشكر في الفقر اتعبد واتذكر
إن السبب الأكبر عندي في عبادتي هي إنك بابا
2- في الدمع باشوفك ليّ اقرب وكأن دموعي دي عدسات
ترميني في أحضانك يهرب حزني ف أول ما اصرخ "بابا"
3- في شفائي باقول إنك تقدر وف مرضي باغردلك أكتر
مش فاهم ليه ومش عايز افهم يكفيني أفهم إنك بابا
4- بارتاح لما بترتاح فيَّ واتعب لما باخاف علىَّ
راحتي في راحتك شيء خلاني أهجر نفسي لحضنك بابا
5- بوعودك متعزي كأني ماسك في الوعد استجابات
فرحي بوعدك ساوى اجابتك .. أصل إيماني ف كلمة بابا
6- الناس شايفة الناس م الخارج اما الداخل مكشوف عندك
الخارج يفنى وأنا اتبارك جوه ف روحي بروحك بابا
7- المنظور بيقول دي رحايا والإيمان بيقول يا عزايا
بكره مروح بلدي وبيتي وهاسكن مع يسوعي في بابا