موقع كنيسة مارجرجس بالعزية

حوار نسر

حوار نسر مع ابنه

النسر ليه يابابا بتهز العش ليه كدة بخاف !

الاب : عشان تتعلم الطيران.

النسر : بس انا مبسوط.هنا ومرتاح كدة ..

الاب : بس انا عارف مصلحتك ومصلحتك انك تتعلم الطيران ...

الابن : انت مش بتحبني انت عايز تتعبني وتهد العش الجميل بتاعي

الاب : لم تتعلم الطيران هعملك عش اكبر من ده الف مرة واجمل واوسع واقوي

الابن : بس انا عاجبني ده ..

الاب : هز العش جامد ابنه وقع حاول يرفرف كتير بس معرفش يطير بص لابوه بصة فيها دموع وخوف ورعب وكمان كراهية شديدة

الابن : ايه اللي انت بتعمله ده انت مستحيل تكون انت ابويا ولا بتحبني !!!

وفي اخر لحظة يجي الاب يفرد جناحه تحت ابنه ويشيله ويرفعه ويحميه والابن يعيط ويعاتب ابوه

وتفضل تتكرر القصة ويتكرر الحوار الابن يفضل ينسي ان ابوه بيلحقه وينقذه ويشك في حبه له لحد ما لحد ما في مرة الابن يلاقي نفسه قادر يفرد جناحه ويطير ساعتها يفرح ويهلل ويبص لابوه بفرح ويقوله انا عارف اطير جناحاتي بقت قوية وجامدة

ساعتها ابوة يقوله بكل حب وحنان عرفت انا ليه كنت بهز العش عشان بحبك عشان تتعلم تتطير لوحدك انا عملت كل ده عشان بحبك

سيب ربنا يهز كل عش انت شايفه الامان والراحة والملجا ليك عشان تعرف ان هو بس اللي هتلاقي فيه كل حاجة وانه ديما بيعمل للخير

حتي لو كانت البداية صعبة لكن ف الاخر لازم هيكمل