كلمات ترنيمة عندك حق وقصدك خير
عندك حق وقصدك خير
قرار
عندك حق وقصدك خير
للبائس فى وسط الضيق
برج حصين ملجأ م السيل
دى حقايق من غير تلفيق
( 1 )
ما انت أمين وما بتسمحشى
بالتجربة غير لو للخير
عارفينك ما بتستحملشى
تشوف أولادك تحت النير
( 2 )
اسمك وحدك برج العابد
يركض إليك الصِدِّيق
على صخرك أنا هافضل ثابت
وعدك مضمون التحقيق
( 3 )
فى وسطنا قائم جبّار
تحمى ولادك ليل ونهار
وجهك يُشرق بالأنوار
وتفجّر كل الأنهار
( 4 )
نَزِّلت المرتفعين
ورَفَعت المتضعين
أشبعت الجياع خيرات
وصرفت الأغنيا فارغين
( 5 )
إنت الرب القاضى العادل
وحدك فى إيديك السلطان
وقضيب ملكك استقامة
عرشك فوق كل الأكوان
( 6 )
قالوا عنك: حجر امتحان
وطوباه اللى يآمن بيك
مِتأَسِّس تِدى الأمان
ولا يوم يِخزى مُنتظريك
( 7 )
مرة تشُق قصادنا البحرْ
مرة تكون وسطنا ف النار
أحكامك أبعد م الفحصْ
طُرقك عارفينها الأبرار
موقع كنيسة مارجرجس |ST.GERGES موقع مسيحى ،ترانيم وترانيم فيديو وموضوعات مسيحية ، .موقع ترانيم ,موضوعات مسيحية ترانيم فيديو
0 التعليقات