انت
مقسمنا درجات ولا كلنا احباء !!
مربوط بناس ومكان ولا واصل
لينا ف اى حته ؟!
سامع صوتى ولا لازملى وسيط
؟!
آلــــه ناس وطوايــف ولا
رب وأب لبشرية ؟!
........................................................
هو
لازملك أسم ولا هو تعبير عنك ؟!
طيب , مربوط ببيوت وبطاقة ,
ولا قابل اللى حياته منك ؟!
أنت زى اللى بيقولوا انهم
خدمك ,
وبيقسموا ويكفروا اللى
يخالف تصورهم عنك ؟؟!!
........................................................
انا
المؤمن الكافر الخارج عنهم .
لا
بملك حقيقة كاملة ولا عندى حق اتكلم باسمك
!!
بس بحاول اعيش الحب , هو مش
انت الله محبة ؟!
بحاول اغفر (( بحاول )) ,
بحاول اقبل واساعد زيك !!
واقول ماهو انت خلقنا شبهك
!!
وياخالق ياللى خلقت الكون
على كل شكل ولون
واصــل للكل بطريقتك !!
........................................................
انت آلــــــه .....
مش ف بيوت ولا قداسته وسط حجارة
ولا حبــــــه بعلو الصوت
ولا كتر سجدات وعبادة !!
آلـــــه فى قبول وحب , آلـــــه محبة ببساطة.
........................................................
أنا
لا عايز اكون فريسى ولا كاهـــن ولا خليفـــــة .
أنا
عايز اعيش معنى للحياة , من الاخر ابقى صورة منك .....
هانى صموئيل
موقع كنيسة مارجرجس |ST.GERGES موقع مسيحى ،ترانيم وترانيم فيديو وموضوعات مسيحية ، .موقع ترانيم ,موضوعات مسيحية ترانيم فيديو
0 التعليقات